“Ang Pasiunang Bakak”

Mao na ang mga opisina ug kani sila nag mga cubicles. Kadto didto mao ang akoa, kani mao ang imong cubicle. Kini imong telepono. Ayaw kana’g tubaga. Ang Voicemail System na bahala niana. Mao ni ang imong Voicemail Sytem Manual. Dili ginatugot ang personal na mga tawag. Pwede ra og emergency. Kung kinahanglan nimo mag-emergency phone call pangutana usa sa imong supervisor. Kung di nimo siya makit-an, pangutan-a si Phillip Santos, kadtong nagalingkod didto, kay iya kining ipa-check ni Clarissa Nicolas, kadto siya didto. Kung magbuot-buot ka’g emergency phone call, basig matanggal ka.

Mao kini ang imong In og Out boxes. Tanan porma sa imong in box dapat ma-logged in sa adlaw nga gipakita sa may upper left-hand corner, na gi-initial-an nimo sa may upper right- hand corner, ug idala nimo sa Processing Analyst kung kinsang ngalan naka-numerically coded sa may lower left-hand corner. Blanko ra ang lower right-hand corner. Dia ang imong Processing Analyst Numerical Code Index. Ug dia pud ang imong Forms Processing Procedures Manual.

Orasan nimo ang imong trabaho. Unsa akong pasabot niani? Ay, maayo kay nagutana ka. Among ginaorasan ang among trabaho base sa 8-hr workday. Kinatahay naa kay dose ka oras nga trabaho sa imong In box, imo na siyang ipa-igo sa 8 hr day sama ra kung usa ra ka oras. Maayo to siya nga pangutana. Ayawg duha-duha kung naa kay pangutana. Pero og sige ra pud ka’g pangutana pwede ka matanggal.

Mao ni siya ang atong receptionist. Temporary ra ni siya.Tanan ta moagi nila. Nagapanghawa na sila ba. Rispetoha ug pagtahud nila. Ilha ilang ngalan, ug panagsa imbitaha sila og pani-udto. Pero ayaw kaayo’g close nila kay masakitan ra ka ug manlakaw sila. Manghawa jud baya na sila, ma-sure na nimo.

Ang men’s room didto dapit. Didto ang pangbabaye. Kanang si John Lagrade, kadto siya didto, nagagamit sa pangbabaye. Ingon niya accidental ra daw. Pero kabalo jud gud mi sa tinuod, pasagdaan ra namo. Dili man kahadlokan na si John Lagrade, kanang iyang ginabuhat, gamayng pahalipay lang na sa bati niyang kinabuhi.

Si Ruel Nastro, kanang galingkod didtos’ wala nimo, naibog kang Amanda Peres kanang sa imong pikas. Dunggan na sila’g sakay og jeep. Alang kay Amanda Peres, kanang makalaay nga pagsakay sa jeep gipalingaw sa pagtabi nila ni Ruel Nastro. Pero kang Ruel Nastro, mao na ang pinakamalipayong parte niya sa iyang kinabuhi. Kada bulan madungagan iyang timbang, magusap-usap na siya’g chips og biskwit samtang galili kangAmanda Peres diha sa mga partisyon, sa balay pud niya nagakaon na siya og pizza ug ice cream samtang gatan-aw na og pangedarang salida sa tv.

Kanang si Amanda Peres sa imong tuo, iyang sais anyos na anak na si Jamie kay autistic. Ang iyang cubicle kay gipilitan niyag mga drinowing sa iyang anak- mga lingin nga black og yellow. Ginapuli-puli niya ang posisyon kada sunod nga Biernes. Pag-comment jud nila. Ang iyang bana usa ka abugado. Na grabe kayo ginabuhat sa iyang bana kun maghilawas na sila, pero mosugot na lang man siya madugay. Kapoy kaayo na siya og samaran inig moari sa trabaho kada buntag, mo-aray gud na siya sa mga garas sa iyang totoy o sa bun-og sa iyang dughan o mga paso sa likod sa iyang pa-a.

Pero dili ta dapat mahibalo niani. Ayawg subay, kay og magsubay ka, pwede kang matanggal.

Si Amanda, in-love tawon ni Albert Benigno, kadtong tuang opisina didto dapita. Pero alang atong tawhana di kaayo niya mapansin nang si Amanda kay tanan iyang atensyon tua kang Ellisa Tuazon, kadtong galingkod ngadto, apan ginalagutan jud na niya si Albert Benigno, pero matamak jud na siya’g baga alang ni Curtis Lanera. Unya ginalagutan man na siya ni Curtis Lanera. Kataw-anan man ning kalibutana no? Kabuangan na lang jud.

Ngadto na cubicle galingkod si Anika Bernardo. Atong niaging tuig, sa atong nagreview sila ug quarterly report sa meeting kauban si Brando Herraz, mikalit ra’g dugo ang iyang wala nga palad. Nagbag-o ra siya’g kalit, gitan-aw niya ang iyang kamot ug nag-ingon kung kanus-a ug unsaon pagkamatay sa asawa ni Brando Herraz. Gikataw-an ra namo siya ato. Tutal, bago ra siyang empleyado. Apan patay na ang asawa ni Brando Herraz. Mao kung di ka gusto makabalo sa imong kamatayon, ayawg pakig-istorya ni Anika Bernando.

Ang galingkod didto kay si Conrad Hermio, Pareha nimo sauna, baguhan pud na siya. Amoa na siyang gisukmatan bahin kang Anika Bernardo. Pero atong niaging tuig na Christmas Party sa pagkakita niyang wala’y kaistorya si Anika Bernardo, naluoy siya ug gidalhan kini’g mainom. Wala na siya sa iyang sarili human ato. Wala na siyay mabuhat alang sa iyang sarili og bisan kami wala na say matabang alang niya. Palayo ka niya ha. Kung naa siya’y ipabuhat nimo ingna na i-check sa nimo sa akoa, kung manguatana na pud siya’g balik, ingna wala pa nimo nakuha akong tubag.

Mao ni ang Fire Exit. Naa’y marka aron makabaton ka nila. Daghan ni sila kada floor. Kada katulong bulan, naga-Fire Evacuation Review og kaisa kada bulan naay Escape Route Quiz. Nagapatigayon pud ug Biannual Fire Drill kaduha kada tuig ug Annual Earthquake Drill ka-usas’ tuig. Mga panigurado lang ni. Dili gud na mahitabo.

Aron ka mahibalo, naa mi comprehensive health plan. Sakop niani bisan unsang kabalatian. Kana si Larry Benitez, kadto galingkod didto, adunay unom ka babayeng anak. Kung naa may mahitabo sa bisan kinsa sa iyang mga anak, kintahay pulos mangasakit – kalit ra’g magka-muscle, disease o kanang makamatayng sakit, magkacancer sa dugo, mabombahan sa klase o atakehon ug rapist sa ilang higdaan- kani ha kung mahitabo lang. Wala siyay mabayran bisan sentimo. Sakop na na tanan sa plan.

Naa pud mi vacation ug sick leave policy. Naa’y maayo nga disability insurance plan. Naa pud stable og profitable na pension fund. Daghan mi kaayuhan diri sama sa group discounts og lahi-lahing memberships og labihan pa.

Kani diri ang atong kichenette. Mao ni ang atong Mr. Coffee. Naay coffee pool, kung asa ka magbayad ug tanang sagol pangkape. Kung gusto nimo, naa’y mga lahi-lahing coffee pool, ang basehan sa bayran, nag imong mapili-an. Pwede ra ka mamili og coffee pool na gusto nimo, pero ayawg hilabti ang Mr. Coffee.

Mao ni ang microwave oven. Pwede ka mag-init ug pagkaon diri. Pero dili pwede magluto.

Naa ta’y usa ka oras nga lunchbreak. Naa pud ta’y 15-minute break sa buntag ug usa pud ka 15-minute break sa hapon. Gamita jud nang imong breaks. Kung dili ka mag-break, wala na jud na siya. Aron ka masayod, ang imong break kay prebilihiyo, dili katungod. Kung abusohon nimo na, awtorisado mi na pangusbon. Ang pani-udto nuon, katungod. Kung abusohon nimo na, wala mi mabuhat pero mapugos mi maghuna-huna ug lain. Dili mi ganahan og ing-ana.

Mao ni ang ref. Pwede nimo isulod diri imong pangpaniudto. Si Brando Herraz, kadto siya didto, nagapangawat og pagkaon niya diri. Kanang iyang ginabuhat, maoy resulta sa iyang kasubo sa pagkamaty sa iyang asawa. Atong niaging New Year’s Eve, samtang gahawok sa iyang asawa, mibuto ang ugat sa utok niani. Buntis pa jud to siya ug mga duha ka bulan unya na-coma pag mga tunga sa tuig una namatay. Gwapa baya to na babaye. Naasikaso to siya sa plan. Walay nabayran ato si Brando. Pero ginakalag siya sa iyang asawa. Tanan cubicles diri. Nakit-an namo siya sa monitor sa among computer, nagabahis-bahis. Iyang nawong nakit-an namo sa mga photocopies. Nagasulat pud siya sa receptionist’s appointment book og : Makigkita kang Brando Herraz. Nagbilin pud siya ug tugon sa receptionist’s Voicemail box, kanang karat sa linya sa telepono naa’y madunggan nga tinggug. Pero iyaha jud to. Unya labaw niani, sa tamang paminaw, madunggan ang hinay nga hilak sa batang gamay.

Mao kung magdala ka og pangpaniudto, apili na lang ug gamay para ni Brando Herraz. Naa baya’y upat ka Brando diri sa opisina. Coincidence kaayo no?

Kani ang opisina ni Matthew Paraz. Siya ang atong unit manager. Wala pa mi kita niya, ug di jud ka makakita niya. Pero naa na siya diri. Masigurado na nimo. Naa na siya sa palibot nato.

Mao ni ang Custodian’s Closet. Wala ka’y labot dinhia.

Ug kini mao ang atong Supplies Cabinet. Kung kinahanglan nimo og supplies adtoa si Curtis Lanera. Iyaha nang ilista sa Supplies Cabinet Authorization Log, unya hatagan ka niya ug Supplies Authorization Slip. Ipakita nimo ang slip kay Ellisa Tuazon. Pasuwaton ka niya sa Supplies Cabinet Key Log, unya ihatag nimo ang susi. Tungod kay nahimutang ang Supplies Cabinet sa labas sa Unit Manager’s office dapat dili ka magsamok. Kuhaa ug dali ang imong supplies. Ang Supplies Cabinet gibahin og upat ka seksyon. Sa section one kay mga letterhead stationery, blank paper og envelopes,memo og note pads, ug daghan pa. Ang section two kay naa didto ang pens og pencils og typewriter og printer ribbons, og uban pa. Sa section three tua ang erasers, correction fluids, transparent tapes, glue sticks, et cetera. Ug sa section four ang mga paper clips, push pins, scissors og razor blades. Ug dia ang mga spare blades para sa shredder. Ayawg hilabti ang shredder, kadtong tua didto,wala ka’y labot niadto.

Ang galingkod didto na opisina kay si Gwendolyn Sorian. Nabuang na siya’g penguins, gakolekta na siya’g mga butang na naa’y penguin sama sa penguin mugs, stationery, penguin stuffed animals, penguin jewelry, penguin sweaters, T-shirts og medyas. Naa na siya’y penguin slippers na iyang ginasuot pagmagtrabaho siya’g dugay sa opisina. Naa pud na siya’y tape cassette sa penguin sounds paminawon niya aron pang-relax. Ang iyang paboritong color kay itum og puti. Naa pud siya’y personalized na license plate na ang nakabutang kay Pen Gwen. Kada buntag naga-agi na siya sa tanan cubicles aron mag-ingon og maayong buntag. Kada Miyerkoles nagadala na siya og klase-klaseng pagkaon sa kada break. Siya pud nagaorganisa og Annual Christmas Party, ug pati na ang Birthday list. Abre na ang iyang pultahan para natong tanan. Maminaw na siya nimo og hatagan pa ka niya og advice; basta, pwede nimo siya madoulan bisan kanus-a o unsa man imong tuyo. Tungod kay abre nang iyang pultahan alang sa tanan, didto na siya sa stall sa women’s room magahilak. Unya si John Lagrade, kay malipayon nga naa’y misulod nga babaye, magpungko didto sa stall niya- ingon niya nadunggan daw niya na nagasuka si Gwendolyn didto. Nakit-an na pud na namo siya nga nagakabuli-buli sa may hagdan, nagapangurog sa may rooftop, samtang gainom ug Coke o Pepsi, gagakos sa iyang tuhod. Pero dili niya ni ginapasamok-samok sa iyang trabaho. Unya kung mahitabo man gani ni, pwede siya matanggal.

Si Kevin Mendrel galingkod didto dapit. Serial Killer na siya, kadtong ginatawag nila’g Carpet Cutter, maoy responsable sa mga pagpatay sa siyudad. Dili ta dapat mahibalo ani, mao ayawg tubay. Ayaw’g kaguol. Motukar ra na siya sa mga estranghero ug ang iyang ginabuhat mao ra sa mga unang biktima. Ang biktima dapat pution nga lalake nga nagapangidaron og dili molampas og trienta anyos, dakuon, itom ang buhok og mga mata, basta mga ingun-ana. Ang biktima tiyempohan ra una motigbwas ang adlaw, sundan sa balay, makigsukol kadiyot; ug dayon na. Sa pagpatay dapat sakto ang hiniwaan, og naa sa tamang lugar ang mga organs. Dili niya gusto maglabut-labot kini sa iyang trabaho. Gusto niya na husay ang tanan. Siya baya nag pinakapaspas mag-type diri sa opisina. Mura ba na siya’g nagkalayo kung magatype. Sikreto na siyang naibog kang Gwendolyn Sorian ug ginabinlan niya kini ug Hershey’s kiss kada hapon. Pero ginakalagutan niya si Anika Bernardo ug nagapalayo siya niani. Kay kung naa siya, mokalit ra’g pagpangurog si Anika Bernardo. Iyang wala nga palad dili muondang og pagdugo.

Kung moabot man gani ang panahon nga masakpan siya, pag-arte nga katingalaan kini, unya iingon nga mura ra man siya’g maayong tao, maginusara pero hilumon ug matinuharon.

Kini ang photocopier room. Ug diri ang atong view. Nagaatubang kini southwest. West pababa dito sa may tubig. Ang Norte didtos’ likod. Tungod diri ta sa ikapito nga floor, nindut ang atong view .Di ba? Makit-an nimo ang parke diri, ngadto sa may daghang kahoy. Parte sa dagat makit-an nimo didto sa may duha ka building. Makit-an nimo ang repleksyon ani na biulding sa atbang. Tua o. Kita ka? Ikaw nang nagaba-bye. Ug tan-awa didto dapit. Tua si Anika Bernardo nagaba-bye ug balik sa imoha sa may kitchenette.

Tagamtama ang view samtang nagaphotocopy. Kung naa kay problema sa photocopier, adtoa si Ruel Nastro. Kung naa kay pangutana, ato sa imong supervisor. Kung di nimo siya makit-an, pangutan-a si Phillip Santos, kadtong nagalingkod didto, kay iya kining ipa-check ni Clarissa Nicolas, kadto siya didto. Kung dili nimo sila makit-an, duol nako. Kadto akong cubicle. Ngadto ko nagalingkod.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s