Atubang sa Kawad-on(Upon Facing Nothingness)

Samut kong nabati,

na adunay mga butang nga dili mamahimong ako-

sa dihang malantawan ang hulagway mo.

Kun ibasol mo kanako

ang sala akong angkunon

alang kanimo

Samut kong nabati,

Nga dili palabihon ang gugmas kasing-kasing

Kay dili kini atol sa oras paghinigugma-ay.

“Ang Pasiunang Bakak”

Mao na ang mga opisina ug kani sila nag mga cubicles. Kadto didto mao ang akoa, kani mao ang imong cubicle. Kini imong telepono. Ayaw kana’g tubaga. Ang Voicemail System na bahala niana. Mao ni ang imong Voicemail Sytem Manual. Dili ginatugot ang personal na mga tawag. Pwede ra og emergency. Kung kinahanglan nimo mag-emergency phone call pangutana usa sa imong supervisor. Kung di nimo siya makit-an, pangutan-a si Phillip Santos, kadtong nagalingkod didto, kay iya kining ipa-check ni Clarissa Nicolas, kadto siya didto. Kung magbuot-buot ka’g emergency phone call, basig matanggal ka.